> الكشري المصري من أشهر وألذ الأكلات الشعبية اللي بتجمع بين الطعم، القيمة الغذائية، والسعر الاقتصادي. في المقال ده هنتعلم مع بعض طريقة عمل الكشري في البيت زي المحلات، خطوة بخطوة وبمقادير مضبوطة.

🧺 مكونات الكشري:

المكون / الكمية

-عدس بجبة / 1 كوب

-أرز مصري/ 1 كوب

مكرونة صغيرة (مثلاً مقصوصة)/ 1 كوب

شعيرية / نصف كوب

بصل مقطع شرائح رفيعة / 2 حبة كبيرة

حمص مسلوق / نصف كوب

ثوم مفروم / 5 فصوص

صلصة طماطم / 1 كوب

خل أبيض / 3 ملاعق كبيرة

ملح وفلفل وكمون / حسب الرغبه

زيت نباتي للقلي كمية مناسبة

🍳 طريقة التحضير:

1. سلق العدس:

اغسل العدس واسلقه في ماء وكمون لحد ما يستوي (بس من غير ما يتهري).

2. تحضير الأرز:

في حلة على النار، شوّح شوية شعيرية في ملعقة زيت لحد ما تحمر.

ضيف الأرز وكمية مناسبة من الماء.

بعد غليانه، غطّي الحلة وهدّي النار لحد ما يستوي.

3. سلق المكرونة:

اسلق المكرونة في ماء وملح وصفيها كويس.

4. تحمير البصل:

اقلي شرائح البصل في زيت غزير لحد ما تبقى ذهبية ومقرمشة، وبعدها صفيها كويس.

5. تحضير الدقة (صوص الثوم):

في طاسة، شوّح الثوم في شوية زيت، ضيف الخل والماء ورشة كمون وملح، واغليه دقيقة.

6. تحضير الصلصة:

شوّح شوية ثوم في زيت، ضيف صلصة الطماطم، شوية ماء، ملح، وفلفل، وكمون، واغليها 10 دقايق.

🍽️ التقديم:

في طبق التقديم:

حط شوية رز + مكرونة + عدس.

فوقهم بصل مقرمش + حمص.

وقدّم جنبهم الصلصة والدقة.

🤤 نصائح لتقديم الكشري زي المحلات:

خليه حار عن طريق إضافة شطة على الصلصة.

ممكن تعصر ليمونة على الطبق قبل الأكل.

قدّمه مع سلطة خضراء أو طحينة.